Sunday, April 29, 2012

博物館悠悠行

如果有興趣行博物館,北京應該是不錯的選擇。各式各樣博物館林立,花十日時間都只是走馬看花吧了。

Saturday, April 28, 2012

什剎海黃昏

Thursday, April 26, 2012

北京798



其實香港有無創意文化園區。
沙田火炭?土瓜灣牛棚?西九?唔係化……
當深圳未有Loft,廣州未有紅磚廠,上海都唔使講啦,北京已經有798

聯合國教科文組織有個項目「全球創意城市網絡」,選出全球各具特色創意城市,分為七大類別,例如設計之都、文學之都、音樂之都、電影之都……等等。而家有17個國家的25個城市被聯合國教科文組織選出。

被列入全球創意城市網絡「設計之都」的中國城市係──上海、深圳。
無錯,香港無份。點解?就真係要反醒吓啦。

相隔好多年,今日去798,真係發展就是硬道理,明唔明。

Tuesday, April 24, 2012

暮鼓晨鐘看京城

一早一晚路過鼓樓和鐘樓,都有千年一嘆之感。

雖然沒有了鐘鼓聲,仍古韻猶存展現中華文化。

是遊覽北京值得一到的景點。

Monday, April 23, 2012

吹風吹水吹色士風

住的地方離「什剎海」不遠亦不近,所以在「什剎海」飯後,多數會行路經過「後海」散步返旅舍。

就在「後海」附近,有個大叔通常黃昏時份,就會在湖邊吹色士風,而且吹得幾好聽。如果見到佢,我都會企一陣,吹下風聽下音樂,都幾舒服。到佢停下休息,仲可以傾幾句吹下水,京港交流吓,真係獲益良多。

北京生活可以用舒適而樸實形容。淡淡的漫活跟香港的忙亂吵鬧是完全兩會事。習不習慣就是喜不喜歡的問題,如果喜歡忙亂吵鬧凡事投訴無事生非,非要跟自己過不去不可,我想還是留在彈丸之地目光如豆生活好了。但如果有機會在這個集千年古都與奧運城市於一身的國家首都現代都市生活,相信對人生啟發有一定幫助。

不同的生活體驗,應該就是最好的「人生教練」。

Tuesday, April 10, 2012

紅磚廠睇畫展


去「紅磚廠」睇吳冠中畫展真係睇到我心服口服,回程路過一處景像依稀相似,拍下留念。

Wednesday, April 04, 2012

坐摩托的士去街


可能因為天氣關係,冬天的風雪跟夏天的風沙,都令這裡的生活環境比較惡劣,多數店舖也總好像處於半休業狀態。

附近就只有這裡出售菲林、電池,需要敲門才會有人招呼你,生意淡薄得令人唏噓。

多體會不同的生活,令我更珍惜擁有的一切。

不同地方有不同生活,多點經歷體驗,眼界開了,胸襟也會廣闊。

生活應該是這樣。

Monday, April 02, 2012

活在當下立地成佛

有無發現好似越來越多人鍾意投訴。

返工投訴份工,返屋企就投訴屋企人,食飯就投訴餐飯,放假投訴悶,旅行就投訴唔好玩,上街遊行就更加唔止投訴……。
可唔可以投訴唔好咁多投訴。
呢個城市點解搞成咁,真係慘不忍睹。

點解唔學吓認真做好份工,珍惜屋企人,享受一餐飯,放假好好休息,旅行學習生活體驗增廣見聞,有意見可唔可以理性和平咁表達。
講來講去,你都係想人當你有到,唔好當你無到。
文雅小小,即係當你「存在」。

其實呢。
明唔明祈克果講「存在主義」即係講乜唔緊要架。
笛卡兒講「我思故我在」,所以思考能力好緊要。
不過咁喎,笛卡兒講「我思故我在」。
唔係「我私故我在」,所以做人唔好咁自私。
做人太自私,你當人唔存在,人地又會當你唔存在,惡性循環落去,到時真係講乜都無用咯。

咁「存在」同虛、無、空又有乜關係。
存在者存在於虛、無、皆空也。
活在當下,放下我執,可立地成佛。
一百年後,我地存在係邊呢。
本份就係田立克講「終極關懷」的存在意義。
明唔明。

置身千年古剎,有感而發。

Photo by Denzel Leung